الرئيسية / اناشيد / دليلة " مارك شريف "

دليلة " مارك شريف "

تحميل انشودة دليلة ” مارك شريف ” Mp3
دليلة دليلة ” مارك شريف ”
كلمات النشيد : 

القلب زحمة ومليان شُقق
بس بايت عندها كل ليلة
خَد نارها فـ حضنه واتحَرَق
وقال سيبوني فـ نار دليلة

بحور الشوق بتدّلدق
وانا فضلت كتير مدلوق
قلت علي كدبها الاصدَق
بتدبح روحي بـ رّقة و ذوق
شاورت لدليلة
عالشجرة فوق
اللذة بتبدأ
قبل مادوق
مشيت علي حبل العشق وفاكر
اني لوحدي انا المعشوق
اتاري كل قلب هناك
! بنفس الحبل كان مخنوق
دليلة بتفرّق سحر الموت
علي كل عُشّاقها
دليلة مكانش ليها صوت
وغنّت بكل اشواقها
دليلة
ضغطت علي قلبي بـ ايدين ناعمة
ماعرفتش حتي اتهجّي الخوف
في ناس قبل العمي بتعمي
وناس لما بتتعمي بتشوف

دليلة علمتني اغير
مـ اللي ماتوا واللي ضاعوا
طبّعتني بالشر وطباعه
دليلة علّمتني اجوع
دليلة طفّحتني دموع
لسه قلبي من هواها بيتنفِض
لسه رفض الروح مني بيترفِض
اروح فين ؟
انا كل ما ارفع الغطا
تغضب مشاعري وتتشنّج
القلب من كتر المرمطة
هربان فالنوم و متبنّج
القلب اخدع كل شيء
القلب يبلع اي ريق
حتي لو حقنوه بـ سِم
المهم
انه يكون بيتبِلِع
دليلة انساني العتيق
رافض مني يِتخلِع
توبها رافض يتقلِع
رافض يسيبني اعرّي روحي للحياة
دليلة عايزة تملا كل ايامي بـ آه
دليلة عايزاني اتوجِع

سحر العيون دايما بياخد العيون
وهي ليها 1000 لون
تقدر تشدّك
تقدر تهدّك
ينزل قلبك متدحرج فـ قبرها
تكتب حضورك وسط المكتوبين بحبرها
تحني احساسك الجعان
علي قضبان حِجرها
النور مطفي
ماعرفتش المس كدبها
سكرانة عواطفي
غرقت مشاعري فحبها
بحبها..
بحبها

القلب ساقع والمشاعر متكتِّفة
قالت فحضني هاتحس بدفا
قالتلي اجرّب احبها
بحبها
رغم احساسي ساعتها بخوف غريب
رغم اني لمحت بعيني هناك صليب
جريت تاني علي حُبّها
بحبها
فرَدِت عينيها سلسلتني
حطّت ايديها و نزّلتني
عشان اغوّط ف حبها
قالتلي عايزة القلب كله
قالتلي ازاي اقدر اذلّه ؟
قالتلي ارضي بغُلْبها
سرقت مني شَعري وعيوني
نادت عليهم جُم خدوني
اول مرة اشم فيها
ريحة دليلة منتِّنة
دقت طعم الذل حادق
لفّوا بيا المطحنة
فضل سؤال لسه ناطق
هو ايه اللي جابني هنا ؟
ايه اللي جابني هنا ؟

يا قلبي المحلوق إلحق
شَعرَك ابتدا ينبّت
لسه باقي فالعمر ملحق
إمسك فالمسيح تَبّت
هاغنّي الليلة نشيد حربي
هاصليله و متأكد
سندت بروحي علي ربي
افتكرني يارب بقي وشدّد
وقع المعبد فوق قلبي
ماتت دليلة واتهدِّت

رابط التحميل Mp3

كلمات دلالية : تحميل انشودة دليلة ” مارك شريف ” Mp3 كلمات نشيد دليلة ” مارك شريف ” اغنية دليلة ” مارك شريف ” مكتوبة اناشيد دليلة ” مارك شريف ” اغاني ايقاع بدون ايقاع موسيقى مؤثرات يوتويب soundcloud

عن admin

شاهد أيضاً

خَيفانَةٌ يُلطَمُ الجاني بِلَطمَتِها كَأَنَّها ظِلُّ … الجراح الهمداني

قصيدة : خَيفانَةٌ يُلطَمُ الجاني بِلَطمَتِها كَأَنَّها ظِلُّ … الجراح الهمداني خَيفانَةٌ يُلطَمُ الجاني بِلَطمَتِها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *