Posted By
الوسوم:
فادي طلبي – راني لاباس

كلمات القصيدة :  

واش راك يا بابا لحنين
واش حال لميمة ممو العين
أنا لاباس و مهني
حتى حاجة ما تخصني
الدنيا دايمن تضحكلي … يا سعدي
الأبواب مفتوحة بيا ترحب
معلم نخدم وين نحب
واش نمس يولي ذهب … يا سعدي 
راني لاباس، لاباس
من يوم قطعت البحر
راني لاباس، لاباس
خصني برك بزاف زهر
قلبي مسكين ذاق المر
الغربة صعيبة شبعت محان
بصح بيناتنا يبقى سر
لي سقسى قولو راه سلطان
واش راك يا خويا هذا زمان
واش حال الحومة و الجيران
أنا لاباس حد ما كيفي
شمسي طالعة شتايا و صيفي
السعد باسم راهو وليفي … يا فرحي
الهم ما يعرف عنواني
عام طناش جيبي مالي
بين الناس شاني عالي … يا فرحي
راني لاباس، لاباس
من يوم قطعت البحر
راني لاباس، لاباس
خصني برك بزاف زهر
قلبي مسكين ذاق المر
الغربة صعيبة شبعت محان
بصح بيناتنا يبقى سر
لي سقسى قولو راه سلطان

Leave a comment

لن يتم نشر عنوان بريدك الإلكتروني. الحقول الإلزامية مشار إليها بـ *